ФУГИнин мурунку башчысы Шералы Абдылдаев «Ата Мекен» партиясынын лидери Өмүрбек Текебаевдин бош мандатын алды. Бул тууралуу 24.kg сайты өздүк булактарына таянып жазып чыкты.
Белгилей кетсек, 2017-жылы Шералы Абдылдаев сурактарга жана соттук отурумдарга келбегендиктен, коррупциялык иш боюнча УКМК тарабынан издөөгө алынган. Ал Өмүрбек Текебаев жана экс-Өзгөчө кырдаалдар министри Дүйшөнкул Чотонов менен кошо айыпталуучу болгон. Абдылдаев боюнча материалдар өзүнчө өндүрүшкө өткөрүлүп берилген. 2019-жылы кылмышка шектүү Абдылдаевдин катуу оорусуна байланыштуу тергөө иштери убактылуу токтотулган.
Шералы Абдылдаев соттолгондугу толугу менен токтотулганда гана депутат боло алат. Бирок ага коюлган айыптар алынып салынган жок, ал үй камагында.
БШКнын мүчөсү Гүлнара Джурабаева мандатын ага өткөрүп берүүгө каршы экендигин белгиледи. «Абал абсурд, анткени Шерали Абдылдаев Текебаев менен бир эле берене боюнча айыпталган. Бирок мандат экинчисинен алынып, Абдылдаевге өткөрүлүп берилди », — деди ал.
Бирок Борбордук шайлоо комиссиясынын башчысынын орун басары Абдыжапар Бекматов мандатты Шерала Абдылдаевге өткөрүп бербөөгө объективдүү себептер жок деп түшүндүрдү, анткени ал сот жообуна тартылбай жатат.
Буга чейин Жогорку Сот депутат Өмүрбек Текебаевди мандатынан ажыратуу боюнча Бишкек шаардык сотунун чечимин күчүндө калтыргандыгы эсибизде. БШК бул чечимди аткарган
Булак: argument.kg