ПРЕЗИДЕНТТИККЕ ТАЛАПКЕРЛЕР КҮРӨӨГӨ КОЁ ТУРГАН СУММА ЖОГОРУ ЭКЕНИ АЙТЫЛДЫ

Президенттик шайлоо мөөнөтү боюнча парламенттик угуу учурунда депутат Алмамбет Шыкмаматов шайлоодо I, II тур, соттук териштирүүлөр сыяктуу жагдайларды эске алуу менен Президентти шайлоо мөөнөтүн 1-октябрга жылдырса туура боло тургандыгын айтты.
Жыйындын жүрүшүндө  2 миллион сомдук Президенттик шайлоого талапкерлер күрөөгө коё турган суммасы өтө жогору экендиги, муну менен бир катар ат салышам деген жарандардын укуктары корголбой кала тургандыгы боюнча жана 7% шайлоо босогосун 9%га жылдыруу дагы эртелик кылат деген пикирлер айтылды. Мындан сырткары, күрөө көлөмүн 500 миң, 1 миллион сом өлчөмүндө белгилөө боюнча сунуштар айтылды.
Депутат Иса Өмүркулов мыйзам долбоору боюнча маанилүү талкуу жүрүп, олуттуу сунуш-пикирлер түшкөндүгүн, алар мыйзам долбоору комитеттин жыйынындагы талкууда эске алына тургандыгын билдирди.
Жыйынтыгында парламенттик угууда айтылган сунуш-пикирлердин негизинде резолюция кабыл алынды.
Булак: Каганат