Сулуу келиндер сынагы: Кыргызстандын намысын Аида Чоткараева коргомой болду
04-теке, 2017-ж // //Келиндер арасындагы дүйнөлүк сулуулар сынагы быйыл Түштүк Африка республикасында өтөт. Өткөн жылы мамлекеттин намысын эки баланын энеси Наргиза Осмонова коргогон.
Кыргызстандык актриса жана модель Аида Чоткараева келиндер арасындагы «Аалам сулуусу — 2017» сынагына катышат.
Sputnik Кыргызстан агенттигине улуттук сынактын уюштуруучусу Рысгүл Намазбекова билдиргендей, Аида Чоткараева 2016-жылы биринчи вице-мисс аталып, сынакка катышууга жолдомо алган.
Сулууларды кароо сынагы Түштүк Африка республикасындага Дурбан шаарында 28-августтан 7-сентябрга чейин өткөрүлөт. Дүйнөлүк сынакка жалпысынан 40 келин катышат.
28 жаштагы кыргызстандык Аида Чоткараева актриса жана модель болуп эмгектенет. Ал «Красотка и миллион», «Браво» жана «У любви свои небеса» тасмаларында роль жараткан.
Өткөн жылы аталган сынакта Кыргызстандын намысын 41 жаштагы Наргиза Осмонова коргогон. Сынактын жыйынтыгында «Миссис Бизнесвумен» наамын жеңип алган.
Булак: Спутник
