Кыргызда жакшы сөз бар эмеспи «дос айрылат, сөөк кайрылат деген. Анын сыңары, өкмөт башы Абылгазиевдин кадырын бир топ эле жерге тебелеп, коомчулукта катуу сынга кабылып «бажа-гейт» окуясын жаратып чыккан өкмөт башынын бир тууган бажасы Иманкадыр Рысалиев кайрадан жаңы, майлуу кызматтын бирине барганы маалымат булактарына чыга баштады.
Узун кулактык кылып укканыбызга караганда Кыргызстанда азыр аябай актуалдуу маселеге айланып, андан өкмөт олчойгон акча таап, кылмышкерлер кыскарып аткан «Коопсуз шаар» долбоорунун негизинде Кытайлар утуп алган компаниянын пиар башкармалыгына барганы айтылууда. Айлыгы 5 миң доллар экен деген кеп жүрүүдө. «Туура бийде тууган жок, туугандуу бийде ыйман жок» дегендей, тууганчыл өкмөт «бажа-гейт» окуясынан жакшы сабак албагандай.
Көзгө басаар түшкөн пайданы кыргыз тарап көргөн мекемелеринин бири болтон «Мега Ком» ишканасы менен кызыл чеке кыргынга барып, «КТ Мобайлдан» кызыкчылык көрөм деп, бирок кур жалак калган Рысалиев бул саам бажасынын башына балээ болбосо эле болгону.
Булак: “Факты.kg”