Амина: «Көрсө, күйөөмдүн жумушу сойкулук экен…»

Амина: «Көрсө, күйөөмдүн жумушу сойкулук экен…»

12-тогуздун айы, 2018-ж // //

Өзүмдү жемелеп, ызаланып сөздү эмнеден баштаарымды билбей турам.
2016-жылдын август айында мени ала качып кетишти. “Олтурбайм, жашабайм” деп каршы болгонума карабай, ата-энем “эл эмне дейт?” деп олтургузуп койду. Күйөөм өчү бардай нике түндүн эртеси эле жээрий баштады. Ал аз келгенсип, кайын энем, кайын эжем, кайын сиңдим мени батырган жок. Үч ай чыдап жашадым. Акыры кийимимди алдым да, чыгып кеттим. Көрсө, жолдошум сүйлөшүп жүргөн кызын алам десе апасы каршы болуп, мени алып качып келиптир. Ошондо өзүнө “мен баары бир муну менен ажырашып, сүйгөнүмө үйлөнөм” деп сөз берген экен.  Мен кеткенден кийин 5 күн өтпөй, тиги кызына үйлөндү.
Экинчи турмушум деле мен ойлогондой болгон жок. 7 ай сүйлөшүп, баарын түшүнүшүп турмуш баштаганбыз. Ал аябай камкор, түшүнүктүү болчу. Көрсө, мунун баары көргөзмө экен. Үй-бүлөлүк жашоо башталганда чыныгы жүзү көрүндү. Күйөөсүнөн ажырашкан бай аялдарга интимдик кызмат көрсөтүп, арам акча тапчу экен. Мен анысын билген эмесмин. Күндө аялдар чалат. “Жубайы болом, чалбагыла болду” десем, мени урат. Ар күнү уруш, талаш-тартыш. Бир айдан кийин ажырашууга туура келди.
Азыр өзүмдү-өзүм жемелеп, өлүп алгым келет. Мен курбуларымдан алдыда элем, эми минтип  уят болуп турам. Элдерге аралаша албай, кысылып өзүмдү жек көрүп жүрөм. Баары мени ушактап жаткандай сезилет. Мага кеңеш бериңиздерчи!
БУЛАК:bilesinbi.kg