Сүйүнчү! Кыргызстандык Айпери Медет кызы күрөш боюнча дүйнө чемпиону болду
05-баш оона, 2017-ж // //Бул Кыргызстандын юниорлор арасындагы биринчиликтеги тунгуч алтын медалы
Кыргызстандык Айпери Медет кызы аялдар арасындагы күрөш боюнча дүйнө чемпиону болду. Бул туурасында Күрөш боюнча биргелешкен дүйнө сайтында жазылган.
Таймаш 1-августтан бери Финляндияда өтүп жатат. Ал 6-августта аяктайт.
Айпери Медет кызы 72 килограммдык категорияда ат салышкан. 1/8 финалда Швециялык спортчу Сабина Макота Строем 4:6 эсебинде жеңип алды.
Чейрек финалда итальялык Елени Пьоллайга жеңилүү ызасын тарттырган. Таймаш эсеби 8:0 менен аяктаган.Жарым финалда Айпери 26 секунда ичинде 10 упай топтоп, жеңишти өзүнө жакындатты. Атаандашы россиялык Кристина Шумова болду.
Ал эми тагдыр чечкен башкы кармашта кыргызстандык кыз япониялык Ясуху Мацуюкини 8:6 эсебинде жеңди.
Бул Кыргызстандын үчүнчү медалы. Буга чейин өлкөнүн медаль куржунун Акбар Кенжебек уулу жана Мээрим Жуманазарова эки коло менен толтурган.
Булак: Спутник
