Ысык-Ата районунун Новопокровка айылында үй өрттөнүп, адам өмүрү кыйылды. Бул тууралуу бүгүн, 25-мартта ӨКМден кабарлашты.
Маалыматка караганда, кырсык айылдын Крупская көчөсүндө болгон. Анын кесепетинен үйдүн 120 чарчы метр чатыры жана ички жасалгасы күйүп кетти. Буга катар эле 1959-жылы туулган эркек киши каза болгон. Маркумдун жансыз денеси ИИМ кызматкерлерине тапшырылды. Учурда өрттүн себеби такталууда.
Ал эми күбөлөрдүн айтымында, маркум үйдө жалгыз болгон.
«Үй 8 бөлмөлүү болчу. Анын 4 бөлмөсү жана чатыры күйүп кетти. Калган 4 бөлмөнү куткаруучулар сактап калышты. Ал эми каза болгон киши ашканада экен. Кыязы уктап калса керек. Денеси аябай эле күйүптүр. Белинен ылдый күл болуп калыптыр», — деди күбөлөр.
Турмуш