Кыргыз Республикасынын эл артисти Бек Борбиев  Жогорку Кеңештин депутаттыгына талапкерлигин койду. Бул тууралуу ал өзү Инстаграм баракчасына жазды. Маалыматка ылайык, Бек Борбиев шайлоого «Ата журт Кыргызстан» саясий партиясы менен 17-катарда аттанган. «Урматтуу достор, 28-ноябрда боло турган парламенттик шайлоого «Ата журт Кыргызстан» саясий партиясы менен 17-тизмеде сапар алдым. Эмнеге дегенде, партиянын программасы, стратегиясы, келечекке болгон көз карашы менин дилим менен 100 пайыз дал келди. Албетте, 3-4 партиядан мага сунуш келген, бирок жүрөгүмдүн үнүн угуп, ушундай чечимге келдим», — деп жазды ал.