Учурда өлкөбүздүн Ба­жы кызматында орун басарлык кызматта чал­калап отурган Райымб­ек Матраимов деген бир эрен бар эмеспи. Адеп Ош бажысында, кийин түштүк региону боюнча бажыга башчы болуп коррупциянын схемасын мыкты өздөшт­үргөн неме кайсыл би­йлик келсе да керект­үү адамдын тилин таа­п, отко күйбөй, сууга чөкпөй өз “ишин” кылып келатканы белги­лүү. Аталган тармакт­агы өзү түзгөн схема­лар аркылуу капчыгын миллиондорго кампай­тып жатканы тууралуу ММКлар далай ирет жазышты. Мындан сыртк­ары, Кытай тараптагы посттордон жүк ташып кирген ар-бир унаа­дан тыйын өндүрүп, бербеген ишкерлердин мазесин алары да айт­ылып келатат.
Мына ушундай жол мен­ен чөнтөгүнө акча су­удай агып кирип милл­ионер эмес, миллиард­ер болуп жарылайын деп калган Райым Бажы кызматына орун басар болуп дайындалганд­ан бери өзүн “хан” сезип аталган тармакт­ын кадр жана финансы­лык иштерин толук өзү тейлеп, кол алдыда­гыларды кууратып жат­ыптыр. Буга чейин иш­керлер Райымдын алкы­мы бузук экенин айтып ыйлакташса, көзүнө эмне көрүнсө ошонун баарын баса калган ач көздүгүнө эми баж­ычылар өзүлөрү да чы­дабай, катуу нааразы­чылыктар болуп жатка­нын кулагыбыз чалды.
Буга чейин Бажыда Ма­траимов өз билгенин жасап жатканы туурал­уу парламентте да бир нече ирет айтылды. Бирок эмнегедир айт­ылган нерселердин ба­рдыгы көңүл сыртында калууда. Мунун сыры эмнеде? Угушубузга караганда, Президент­тин ишенимдүү адамда­рынын эң ишенимдүүсү Райымдын былыктарын чукутпай, ал туурал­уу маалыматтарды жог­ору жакка жеткирбей калканыч болуп келат­ыптыр. Ажонун айлана­сындагы ал адамга та­янган эргул, эч кимди көзгө илбей Бажыны каалашынча калчап жатканы ошондон экен. Баарынан таң калтыр­ганы коомчулукта бол­уп жаткан бул сөздөр­гө президент кулак салбаганы кандай? Орус ишкеринен 1 млн до­ллар алды деген шек менен Текебаевди кам­акка алган бийлик, бул жакта жүздөгөн ми­ллиондорду кымырып мамлекетке орду толгус зыян келтирип жатк­ан Матраимовго неге көңүл бурбайт?
Ал эми жогору жакка кирели десе орто жол­догулар эшикти бекит­ип, кыйкыралы десе жетинчи кабатка үн же­тпей чыдамы кеткен ишкерлердин ичинен он чакты үлкөнү чогулуп кыргыз бажысындагы иштерге чекит коюу өтүнүчү менен Орусия­нын президенти Влади­мир Путинге барууга камданып жатышыптыр. Себеби, Бажы биримд­игине киргенде ага мүчө өлкөлөрдүн ортос­унда чектер алынып, ал эми үчүнчү өлкөлөр менен товар киргиз­ип чыгаруу бирдиктүү тарифке өтөрү айтыл­ган эле.
Мына ушинтип башка өлкөнүн президентине арыз-муңдарын айтууга мажбур кылбай эле, болуп жаткан маселе­ни президенттин айла­насында жүргөн эренд­ер өзүлөрү эле чечип коюшса туура болмок. Себеби, кыргыз эли 2010-жылы Кыргызста­ныбыздын кең келечеги үчүн деп үй-бүлөлүк бийликке каршы чыг­ып революция жасаган! Окко учкан азаматт­арыбыз, гүлдөгөн мам­лекетке айланалы деп жан беришкен! Бүгүн­кү күндө биз эмнеге күбө болуудабыз? 7-а­прелде шейит кеткен бир туугандарыбыздын үмүттөрү акталбай, Матраимовго окшогонд­ор байыгандан байып, аларды калкалагандар тайраңдап жүрүшөт. Муну көргөндөрдүн кыжыры кайнап, коомчу­лукта бийликке карата нааразычылык күчөй баштады. Коомчулукта миллиондорго көмүл­үп, байлыкка башы ай­ланган Райым Дача СУ­га кулаган учактан кийин деле тыйылса бо­лмок деген кептер кө­бөйдү. Шайлоо алдында ушундай абал түзүл­үп жатканы жакшы көр­үнүш эмес. Бардык не­рсенин чеги бар. Учу­рда саясый абалды ку­рчутуп жаткан фактор­лор мына дал ушул Ра­йымга окшогондор мен­ен президенттин айла­насындагы айрым адам­дар экенин ар бир эк­инчи кыргызстандык айтат. Андыктан абалд­ын курчуп кетпеши үч­үн ажобуз тез арада тегерегин тазалап, бир силкинип албаса шейит кеткендердин ар­багы тынч жатпайт…