Казакстандын президенти Нурсултан Назарбаев 2018-жылды Өзбекстандын жылы деп жарыялады.
Нурсултан Назарбаев республикалык телеканалдардын эфиринде “Өзбектер — бизге жакын эл, коңшубуз. Өзбекстан Борбор Азиядагы ири өлкө, аны менен түзүлгөн мамиле абдан маанилүү. Кийинки жыл Казакстанда Өзбекстан жылы, ал эми Өзбекстанда Казакстан жылы деп жарыяланат”, — деген. Бул тууралуу бир катар казак басылмаларды жазып чыгышты.
“Өзбекстандын жаңы президенти Шавкат Мирзиёев менен көрсөткүчтү беш миллиард долларга жеткирүүнү сүйлөштүк. Бүгүнкү күндө биргеликте унаа өндүрүү боюнча сүйлөшүү бар”, — деп билдирген президент. Буга чейин Назарбаев менен Мирзиёев телефондон эки тараптуу кызматташуунун абалы менен келечегин талкуулашканы белгилүү.
Булак:Каганат.