2019-жылдын январь айында кар аз түшүп, бирок суук былтыркы жылга караганда күчтүүрөөк болору айтылды.
Кыргыз гидрометеорология кызматы 2019-жылдын январь айында аба ырайы кандай болорун, сууктун күчү канча градуска жетерин алдын ала билдирди.
Чүй
Абанын айлык орточо температурасы климаттык нормадан 2° төмөн болору айтылды.Чүй облусунда январдын ичинде абанын температурасы түнкүсүн —4…-9° сууктан —10…-15° суукка чейин жетет. Ал эми күндүз 1…6° жылуулуктан 0…-5° суукка чейин өзгөрүлүп турушу күтүлөт. Кээ бир күндөрдө —20…-25°, күндүз —8…-13°суукка чейин жетет. Чуй өрөөнүнүн түндүгүнүндө түнкүсүн —23…-28°, күндүз —10…-15° суукка чейин төмөндөшү мүмкүн. Жаан-чачындын айлык көлөмү нормадан аз болушу күтүлөт.
Талас
Абанын айлык орточо температурасы климаттык нормадан 1…3° төмөн болору кабарланды. Январь ичинде абанын температурасы түнкүсүн —8…-13° сууктан —15…-20° суукка чейин түшөт. Күндүз 0…5° жылуулуктан —1…-6° суукка чейин өзгөрүлүп турушу күтүлөт. Кээ бир күндөрү түнкүсүн —23…-28°, күндүз —10…-15° суукка чейин төмөндөшү мүмкүн. Жаан-чачындын айлык көлөмү нормадан аз болушу мүмкүн.
Ош, Жалал-Абад жана Баткен
Башка аймактарга салыштырмалуу аталган аймактарда күн бир топ жылуу болот. Бул үч облуста орточо температура климаттык нормадан 1…3° төмөн болору кабарланды. Айдын ичинде түнкүсүн —1…-6° сууктан —8…-13° суук болот. Ал эми күндүз 2…7° жылуулуктан 0…-5 градуска чейин өзгөрүлүп турушу күтүлөт. Тоо этектериндеги райондордо түнү —3…-8 градустан, —10…-15 градуска чейин, күндүз 0…5° жылуулуктан —2…-7° суукка чейин өзгөрүлүп турары айтылды. Жаан-чачындын нормадан аз түшө турганы айтылды.
Ысык-Көл облусу
Абанын айлык орточо температурасы климаттык нормадан 1…2° төмөн болот. Январдын ичинде түнкүсүн —3…-8 градустан —10…-15 градуска жетет. Ысык-Көл ойдуңунун чыгышында —20…-25° суукка чейин, күндүз 0…5° жылуулуктан —3…-8° суукка чейин өзгөрүлүп турушу күтүлөт. Жаан-чачындын айлык көлөмү нормадан аз болот.
Нарын
Абанын айлык орточо температурасы климаттык нормадан 1…3° болот. Январдын ичинде түнкүсүн —10…-15° сууктан —18…-23° суукка чейин, күндүз —5…-10° сууктан —11…-16° суукка чейин өзгөрүлүп турушу күтүлөт. Кээ бир күндөрдө абанын температурасы түнкүсүн —25…-30°суукка, күндүз —15…-20°суукка чейин болот. Ат-Башы районунда түнкүсүн —30…-35°, күндүз —17…-22° суукка чейин төмөндөшү мүмкүн. Жаан-чачындын айлык көлөмү нормадан аз болору айтылды.
Жайыттар зонасы
Алай өрөөнү
Бул жерде орточо температура бир айда климаттык нормадан 1…2° төмөн болот. Түнкүсүн суук —17…-22 градус, андан ары —25…-30 градуска жетет. Күндүз —8…-13° сууктан —15…-20° суукка чейин өзгөрүп турушу күтүлөт. Жаан-чачындын айлык көлөмү нормадан аз болору айтылды.
Суусамыр өрөөнү
Абанын айлык орточо температурасы климаттык нормадан 3…5° төмөн болот. Түнкүсүн —24…-29° сууктан —30…-35° суукка чейин жетет. Ал эми күндүз —13…-18° сууктан —20…-25° суукка чейин өзгөрүп турушу күтүлөт. Кээ бир күндөрдө түнкүсүн —40…-45° суукка, күндүз —23…-28° суукка чейин төмөндөшү мүмкүн. Жаан-чачындын айлык көлөмү нормадан аз болот.Ошентип 2019-жылдын январь айында кар аз түшүп, бирок суук былтыркы жылга караганда күчтүүрөөк болору кабарланды.
Булак: Спутник