Эл аралык иштер боюнча комитеттин «Бир Бол» фракциясынын депутаты Аскар Шадиев төрага болуп башкара баштагандан кийин ыр-чыр көбөйдү. Комитеттин өткөн отурумунда депутат Каныбек Иманалиев нааразы болуп, жыйынды таштап кетти. Депутат мындай мамилесин Шадиев комитеттин деңгээлин түшүрүп, ал түгүл Жогорку Кеңештин аброюна көлөкө түшүрүп жатат деп сыпаттады. Чындыгында Шадиевди эч ким тоготпойбу же кадыры такыр эле нөлбү, айтор комитетте маанилүү маселе каралып жатканына карабай, министр же анын орун басары эмес, башкармалыктын башчысынын орун басары араң келип жатат. Шадиев арданып, намыстанбайт өңдөнөт?.. Демек, Каныбек мырзанын күйгөнүнчө эле бар..
Булак: “Фабула”