Сөз айтып турбасак, ар кимди сөз кылып турбасак башыбыз ооруйбу? Айтсак, Бишкек шаарынын мурунку мэри Нариман Түлеев тууралуу: «Түлеев экс-президент Алмазбек Атамбаев менен биригип, саясатта чогуу болууга бел байлаптыр» деген сөз чыкты. Бирок, Нариман мырза буга чейин жакынкы эле аралыкта массалык маалымат каражаттарына «Атамбаев көтөрүлсө ага каршы автомат менен чыгам» деп агынан жарылган. Мындан улам анын кетпес кеги, өчпөс өчү бардай туюлган. Жогорудагы «биригүү» боюнча өзү менен байланышканыбызда Нариман мырза, «Атамбаев менен биригип чогуу болмок түгүл, ага салам берип колун кармабайм» деген жообун узатты. Айтылган сөз атылган ок делинет. Бирок, кыргыз саясатындагы кызыкчылыктарды мезгил өзү таразалайт эмеспи.
Булак: “Де-Факто”