Ош шаарынын мэриясында 17,3 миллион сом суммадагы каржылык мыйзам бузуу аныкталды. Бул тууралуу Эсеп палатасынын басма сөз кызматы билдирди.
Маалыматка ылайык, Эсеп палатасы 2015-жылдын 1-июлунан 2016-жылдын 31-декабрына чейинки мөөнөт боюнча аудит жүргүзүп, Ош шаарынын бюджетинин түзүлүшүн жана аткарылышын текшерген.
Анын жүрүшүндө командировкага кеткен чыгымдар 100 миң сомго, курулуш иштери – 12,9 миллион сомго жогорулатылып көрсөтүлгөнү жана 100 миң сом бюджеттик каражаттар максатсыз пайдаланылганы аныкталган.
Каржылык бузуулардын ичинен 1 миллион сом маяна катары негизсиз берилген.
Мындан сырткары дебитордук насыялык каражатты 2,3 миллион сомго жогорулатып көрсөтүшкөн.
Каржылык бузуулардын жалпы суммасынан 16,3 миллион сому кайтарылып берилиши керек.
Булак: Каганат