Москвадагы дипломатиялык өкүлчүлүктүн кызматкерлери аталган окуядан жабыр тарткан кыргызстандыктардын бар, жогун тактап жатат.
Москванын түштүк-чыгышындагы массалык мушташта эки адам каза болгонун РИА Новости жазды.
Көзөмөл камерадагы видео Россиянын тергөө комитетинин YouTube каналына жайгаштырылган.
Кадрда окуя Волгоград проспектисинин унаа өткөн бөлүгүндө болгонун көрүүгө болот. Жаңжалдан кийин топ адам жерде жаткан адамдын жанына барган. Бир аздан кийин полиция менен Тез жардам кызматы келген.
Укук коргоочулардын берген маалыматы боюнча, 30 жаштагы эркек киши дарыгерлер келгичекти эле жан берген. Дагы бир адам клиникадан көз жумган. Тергөөчүлөрдүн айтымында, окуяга унаа жууган жайдагы кызматкерлердин урушу себеп болгон.РФтин Кыргызстандын элчилигинин маалымат катчысы Гүлбарчын Байымбетова дипломатиялык өкүлчүлүктүн кызматкерлери аталган окуядан жабыр тарткан кыргызстандыктардын бар, жогун тактап жатканын билдирди.
Булак: Спутник