Википедияда Кыргызстандагы бир тууган Матраимовдор жөнүндө макала пайда болуп, коомчулуктун кызыгуусун жаратып, талкууга алынууда. Көлөмдүү макала: “Матраимовдордун коррупциялык кланы” деп аталат. Ал макалада Жогорку Кеңештин депутаты Искендер Матраимов кландын башчысы катары көрсөтүлүп, бир туугандары менен кылмыштуу топторго аралашып коррупциялык схемаларды түзүп жатканы айтылат. Ошондой эле алардын көмүскөдө жүгүрткөн каражаты 3 миллиард доллардан аша турганы жазылган. Искендер мырза, мындай макала чыккандан кийин чок баскандай секирип, ЖМКларга Википедиядагы маалыматтарды өчүрө турганын жар салды. Албетте, манчыркаткан мансабы, ашып-ташыган акчасы турса “кандай болсо да өчүртүп салам” – деп күпүлдөп турса керек. Бирок өчүрткөнү менен башка ЖМКлар көчүрүп алышты. Биз да бул кызыктуу маалыматты гезитке эч өзгөртпөй орусчадан оодарбай эле берүүнү чечтик.
Булак: “Багыт”