Азыркы тапта Индонезияда өтүп жаткан Жайкы Азия оюндарында Кыргыз спортчулары 16 медаль тагынып, Азиаданын тарыхындагы эң жогорку көрсөткүчтү көрсөтүүдө.
Кыргыз спортчулары Индонезияда өтүп жаткан Азия оюндарынын 8 күнүндө 2 алтын, 5 күмүш жана 9 коло медаль тагынышты. Бул Азия оюндарындагы өлкөнүн эң жогорку көрсөткүчү.
Алтын медалдары: Төрөкан Багынбай уулу (жиу-житсу), Дарья Маслова (жеңил атлетика).
Күмүш медалдары: Магомед Мусаев (эркин күрөшү), Айсулуу Тыныбекова (кыз-келиндер күрөшү), Каныбек Жолчубеков (грек-рим күрөшү), Акжол Махмудов (грек-рим күрөшү) жана Нурсултан Алымкулов (жиу-житсу).
Коло медалдары: Айпери Медет кызы (кыз-келиндер күрөшү), Мээрим Жуманазарова (кыз-келиндер күрөшү), Амантур Исраилов (грек-рим күрөшү), Үзүр Жусупбеков (грек-рим күрөшү),Иззат Артыков (оор атлетика), Абдурахман Муртазалиев (жиу-житсу), Муртазали Муртазалиев (жиу-житсу), Жолдошбек Акимканов (пенчак силат) жана Данияр Токуров (пенчак силат).
Кыргыз спортчулары Азия оюндарында 1994-жылдан бери катышып келе жатат. Кыргыздардын эң ийгиликтүү Азия оюндары 2002-жылы болгон. Түштүк Кореянын Пусан шаарында өткөн мелдеште Кыргыз спортчулар 12 медалга ээ болуп, анын 2си алтын, 4ү күмүш жана 6 медаль коло болгон.
1994-жылы Японияда өткөн оюндарда Кыргыз спортчулары 9 медаль (4 күмүш жана 5 коло медаль) утушкан;
1998-жылы Таиландда өткөн оюндарда 6 медалга (3 күмүш жана 3 коло медаль) ээ болушкан;
2006-жылы Катарда өткөн оюндарда 8 медаль (2 күмүш жана 4 коло медаль) багындырышкан;
2010-жылы Кытайда өткөн Азия оюндарында 5 медаль (1 алтын, 2 күмүш жана 2 коло медаль) утушкан;
2014-жылы Түштүк Кореяда өткөн Азия оюндарында 6 медаль (2 күмүш жана 4 коло медаль) тагынышкан.
Булак: Super.kg