Айрым учурда «адам укугу» деген ураанга жамынып алып акча тапкандар жана ошондой эле бир коррупционердин укугу үчүн бүтүндөй мамлекеттин атуулдарынын укугун тепсегендер чыгып келет. Айталы, өмур бою президенттикке талапкер болуп келген Токтайым Үмөталиева Бишкек шаарынын мурунку мэри, коррупцияга шектелип камакта жаткан Кубанычбек Кулматовго жан тартып, эт-бетинен кетип коргоп чыкканы көпчүлүктү таң калтырууда. Токтайым айым өзүн укук коргоочу катары эсептейт, демек, Кубанычбек Кеңешовичтин укугун коргоп атам деген түркөй түшүнүк менен ушул кадамды жасап атабы? Эгер укук коргоочу болсо ал мыйзамды жакшы билиши керек эле. Соттун чечимине чейин Кулматовду «күнөөлүү же күнөөсүз» деп айтуу эртелик кылат го. Же муну Токтайым апче билбейби? Же бул жөн гана коомдук пикир жаратуубу? Үмөталиеванын бул «кылыгы» элге маалым болуп калды го. Ошентсе да Үмөталиева ары дан бери болбойбу? Алдын ала коом ду козутпай…
Булак: “Де-Факто”