Жогорку Кеңеште баш прокурор бир жылдык отчетун берип, эл өкүлдөрү канааттандырарлык деген баасын беришти. Ошол отчеттук жыйында депутат Кожобек Рыспаев сөз алып, Индира Рыспаевнага коррупцияга каршы күрөшүү жана Экономикалык кылмыштарга каршы күрөшүү кызматтарына көңүл буруусун айтты. Депутат анти- коррупциялык кызматтын кечээ эле келген кызматкерлери кымбат баадагы жолтандабастарды кайдан алганын анализдеп, ошондой эле Экономикалык кылмыштарга каршы күрөшүү кызматкерлери ишкерлерди коркутуп акча өндүрүп жаткандары боюнча бир текшерип көрүүсүн өтүндү. Ошого эле улай эл өкүлү бир секретарша конфет алып, арызын алганын да айтып өттү. Бирок кимдики экенин ачыктаган жок. Кожобектен конфет алган кимдин секретаршасы болду экен…
Булак: “Фабула”