Жогорку Кеңештин экс-спикери Ахматбек Келдибеков «Аргумент» басылмасын сотко берди. Порталдын редактору Темирлан Бекботоевдун айтымында аталган басылманын журналисти Келдибеков соттолуп, өз күнөөсүн мойнуна алып, айып пул төлөп чыкканын жазган. Бул маселени көбүртүп, «беделине шек келтирген» деген жүйөгө жамынып бир миллион сом талап кылып жатыптыр. Буга дейре «Азия ньюстун» журналистин 2 миллион сомго доого жыккан. Андан кийин «Куrgуz Tоdау» сайтын бир миллион сомго сотко бергени маалым болгон. Ошондой эле 11-декабрда экс-президент Атамбаевди да сотко берерин айтты. Сыягы, Келдибеков ар кимди доого жыгып, мамлекетке айып катары төгүп берген 10 миллион сомун чыгарып алгысы келип жатат окшойт. Ушунчалык дагы, жеңден кончко куюлган шылуун болобу? Уят таза жок окшойт.
Булак: «Багыт»