Жогорку Кеңештин депутаты Аскарбек Шадиев Баткендеги дарыяны кечип, АКШга карай качып кеткенине бир топ убакыт болду. Чабармандарын чаптырып, ажого салган кишилеринен эч бир майнап чыкпады. Чекит коюлду. Эми эзели кайрылып келбейт, келсе камалаарын эң жакшы билет. Бирок, эл ишенич артып берген мандатын бербей тырмышып, тапшырбай отурат. Качарын качып кеткенден кийин элдин ишин аксатып, мандатты өз каалоосу менен өткөрүп бербейби? Ал мандат атасынан мураска калган эмес да. Же шамалга каршы чуркагысы келип атабы? Ага салыштырмалуу Өмүрбек Бабанов чечкиндүү экен, убакыт өткөрбөй арызын жазып берип, мандаттан баш тартты. Бул да болсо мыкты сапат эмей эмне…
Булак: “Де-Факто”