Өзгөчө Кыргызстанда саясый өнөктүктөр кызуу жүрө турганы жашыруун эмес.
Президенттик шайлоого карай реалдуу күчкө ээ болбогондор деле аттанып атышат.
Талапкерлердин саны 10дон ашты. Бу жаатта аял талапкерлердин арасынан көрүнүктүүсү
– Камила Шаршекееванын чамынганына баам салып көрдүк. Камила айым БШКга
тиешелүү документтерди тапшырып, эл катары президент болууга кадам таштаганы
менен ал аягына чейин ат салыша албай турганы, ортодон Сооронбай Жээнбековго
кошулуп кетүү жагы болжонуп атыптыр. Сыягы, кадыресе «соодалашуу» үчүн биринчи
атыңды чыгарып, андан кийин сүйлөшүүгө баруу «модага» айланды го? Бир эсе
Шаршекееванын саясатчы катары рейтинги начар, элге анчейин таанымал эмес. Тек
гана популизм жана эртеңки карьерасын ойлоп, жерде калбоонун амалы жагынан
алпурушуп аткандай…
Булак: “Азия Ньюс”