Президенттик шайлоо учурунда Өмүрбек Бабановду колдоп, бийликке ачуу сындарды айтып келген Роза Отунбаева канткен менен ак-караны таразалай билген инсан катары, шайлоонун жыйынтыгына калыс баасын бериптир. Ал шайлоодон кийин жергиликтүү басылмалардын бирине берген көлөмдүү маегинде «атаандаштык күч шайлоо аркылуу бийликти тынч жол менен өткөрүп берүү – биздин аймак үчүн феномен” деп баалады. “Шайланган президент парламентаризмге карай жолду улап, Конституцияны өзгөртөм дебейт, бул болсо менин жүрөгүмдү жылытты. Жээнбековдун шайланышы стратегиялык жактан алганда туура болду. ” – деп билдирди.
Булак: Фабула