Сүйөт? Сүйбөйт? Эгерде жигитиңиздин сезимдеринен күмөн санап жатсаңыз, кабатыр болбоңуз. Айымын чындап сүйгөн эркек кандай болоорун айтып беребиз.
Кунт коюп угат
Жигитиңиз чындап сүйсө, ар бир сөзүңүздү угуп, эмне айткыңыз келгенин түшүнгөнгө аракет кылат. Дайыма иштериңиз, ал-акыбалыңыз, жеке пикириңиз жөнүндө сурайт.
Талашып-тартышат
Адам болгондон кийин бири-бирибиз менен макул болбогон учурлар болот. Бул — ал киши сизге кабатыр болуп жатат дегенди түшүндүрөт. Эң негизгиси компромисс.
Сиз үчүн курмандыкка барат
Оба, баарыбыздын жеке иштерибиз бар. Бирок, жумуштары толуп турса да сиз менен болуу үчүн убактысын жана күчүн жумшайт.
Сүйүүңүз үчүн күрөшөт
Сизди жолуктурганы үчүн бактылуу экенин айтат. Күн сайын чалып турууга мүмкүнчүлүк табат.
Жетишкендиктериңиз менен сыймыктанат
Жашооңуздагы маанилүү учурлар жана окуялар тууралуу билет. Кереги тийгенде жаныңызда болот.
Ал үчүн ар дайым сулуусуз
Чачыңыз майланышып, косметикасыз, көзүңүз шишиген, жүдөө болсоңуз дагы ал үчүн чырайлуусуз.
Үй-бүлөңүзгө жана досторуңузга кам көрөт
Курбуларыңыз же жакындарыңыз жаныңызда болсо, алар менен пикир алышууга аракет кылат, сиз үчүн маанилүү болгон адамдар менен достошууга кызыкдар экенин билдирет.
Түбөлүк жаныңызда болот
Көйгөйлөрдөн качпайт, колуңуздан бекем кармап баардык тоскоолдуктардан өтөт.
БУЛАК:bilesinbi.kg