Алмазбек Атамбаев 20-ноябрдагы жыйынтыктоочу маалымат жыйынында Казакстан 2010-жылы блокада койгондо, Кыргызстан суу берүүгө чектөө киргизе турганда маселе чечилгенин айткан. Мындай көз караш коомчулукта да күч. Эгер казак тарап чек араны ачпай, үстөмдүк саясатын уланта бере турган болсо, жазында Кыргызстан суу бербей, жазгы талаа иштеринен мукуратыш керек. Учурда Кыргызстан чек аранын жабылышынан миллиардаган сом зыян тартып жатат. Жазында бул зыяндын ордун Казакстан тарап компенсация кылгыдай абалга жеткириш керек. Болбосо казак тараптын жазында чек араны ачып, суу бергиле дегендей куйтулугу тыйынга татыбайт. Ырасында, керек учурда жаап, керексиз, өздөрүнө ыңгайлуу учурда чек араны ачкан эки жүздүү, кош стандарттуу мамилени кыргыз жетекчилиги четке кагыш керек.
Булак: “Фабула”