«Кыргыз Кыргыз өлкөсүндө кордолуп жатат», — деген пикирин бүгүн, 29-майда Жогорку Кеңештин депутаты Курманкул Зулушев баш прокурор Өткүрбек Жамшитовдун отчётун угуп жатып билдирди.
«Отчёттун формасын өзгөртсөңүз, кагаз менен эле бүтүрө бербей. Азыр соттор расмий тилде өтүп жатат. Айыпталуучу кыргызча сүйлөп, адвокат, судьялар расмий тилде сүйлөп баш аламандык болуп жатат. Же тескерисинче, котормочуларды иштетиш керек, же тил маселесин кайрадан карап чыгыш керек», — деди Зулушев.
Баш прокурор бул боюнча иш-аракет жүргүзөрүн айтты.
Айта кетсек, бүгүн, 29-майда Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетинин отурумунда баш прокурор Өткүрбек Жамшитов отчёт берди.
БУЛАК: super.kg