Өкмөттүн Талас областындагы ыйгарым укуктуу өкүлү Дайыр Кенекеевге Талас эли
нааразы болуп жатышат. Анткени жергиликтүү эл президенттик шайлоодо өз уулу болгон
Өмүрбек Бабановду колдоп чыгаарын билдирип жатышканда, Кенекеев кашайып Темир
Сариевге чуркап, «дүжүрлөрүн» чогултуп бериптир. Талас областы боюнча араң дегенде
элүү адамдын башын бириктириптир. Сариевдин настроениеси нөл болуп кетти дейт. Ал
эми эл болсо, «Бабановго чуркабай эмнеге Сариевди сагалап жүрөт» – дешип,
Кенекеевдин айласын кетирип жатышыптыр. Чын эле, эмнеге Бабановду колдобой жатат
ыя? Башта дал ушул Бабановдун партиясында жүрбөдү беле? Андан кийин СДПКда болчу,
эми Сариевде жүрөт. Эмитен ушундай жылма болсо кийин кайда барат?
Булак: “Ачык саясат”