Бул нерсени айтуу мага өтө кыйын. Бирок чечимин эч эле таппай жатам. Менин апам башка эркек менен жүрөт. Бул тууралуу атам билбейт. Мен айтсам кыйкырып, урушуп коёт. Апам болгондон кийин эч нерсе кыла албай жатам. Атама айтсам үйдө чоң жанжал чыгат. Бул мамиле туура эмес экенин апама кантип түшүндүрсөм болот?
Тамара Воронцова, психолог
Кымбаттуум, апаңыз үй-бүлөлүү болуп, башка эркек менен жүрүп жатыптыр. Албетте, андай болбошу керек, мындай жүрүм-турум үй-бүлөнүн бүт маанисин жок кылган адеп-ахлаксыз көрүнүш!
Үй-бүлө балдарга жана балдар үчүн түзүлөт, алар тынчтыкта жана бактылуулукта өсүп, эч нерсеге алмашкыс бир нерсе бар экенин билиши керек. Ошондуктан, жашыңызга карабастан, ар кандай бала сыяктуу эле, сизге кыйын болуп турат.
Үй-бүлө куруп жатканда, ар бир түгөй көйгөйлөр жөнүндө ойлонбой, сүйүүлөрү түбөлүк болооруна ишенишет! Убакыттын өтүшү менен, ар кандай себептерден улам жагдайларга пайда болот.
Келиңиз, ата-энеңиздин тагдырларын чечүү укугун өздөрүнө берели. Албетте, апаңыздын башка адам менен жүргөндүгүнүн, эмне үчүн атаңыздан кетпей жаткандыгынын себептери бар. Эгерде атаңыз менен апаңыз кандай гана болбосун бирге жашап жатышса, анда ошондой болушу керек, муну тагдыр деп коёт.
Апаңызга эч нерсе деп айтпаңыз, сиз тагдырыңыз кандай болоорун билбейсиз. Эч кимди айыптабаңыз!
Өзүңүздүн жашоо менен алек болуңуз, билим алыңыз, жактырган нерсеңизди жасаңыз жана башка дегендей.
Эртедир-кечтир сиз дагы үй-бүлөлүү болуп, ата-энеңизден кетесиз. Баары чечилип, алар карылыкты чогуу тосуп калат деп ишенели. Эгерде апаңыз жаңы үй-бүлө куруу жөнүндө чечим кабыл алса, өзүнө укук бериңиз — бул анын жашоосу!
Ал эми сиз өз өмүрүңүз, иш-аракеттериңиз үчүн жооп бересиз.
Анан дагы — атаңызга эч нерсе деп айтпаңыз!
БУЛАК:bilesinbi.kg