Жогорку Кеңештин депутаты Жанар Акаев парламентте “Экс-президенттин кол тийбестиги жөнүндөгү” мыйзам долбоорун талкуулоого адаттагыдай эле активдүү катышты.
Ал өз сөзүндө экс-президент Роза Отунбаева кыска убакыт иштегенине карабай, анын президенттик ишмердиги сый-урматка татыктуу, саясий элита үчүн үлгү боло турган деңгээлде экендигин белгилеген депутат: “Ал уурулук кылган эмес, шопурлардын, жансакчылардын заманы болгон эмес” деди.
Депутаттын ою боюнча, экс-президенттин кол тийбестиги боюнча жаңы мыйзамдын кабыл алынышы Кыргызстандагы бийлик мураскери түшүнүгүн, мисалы, “мен бийликте туруп, алты жыл бою уурдасам деле, эгер бийликке өз мураскеримди коюп алсам, ал уурдаганымдын баарын жаап-жашырып калам, ишенген адамым – мураскерим мени коргойт” деген ойдо бийлик башындагылар каалаганын жасай берген көрүнүштү жокко чыгарышы керек.
Булак: Kyrgyztoday.kg