— Коомчулукта катуу сынга кабылып жаткан КСДП элден жашырынып жыйынга чогулганы жатыптыр. Журналисттер да киргизилбейт экен. Бул партия эмне үчүн мындай жолго барууда?
— КСДП акыркы учурларда коомчулуктан оолактап, көптөгөн шайлоочуларын жоготту. Бишкек ТЭЦиндеги коррупциялык иштердин ачыкка чыкканы да ушул партияга сөз тийгизип жатат. Кытайдан келген насыялардын ыксыз пайдаланышы чоң суроолорду туудуруп жатканда партиянын лидерлери элден чочулоодо. Ошол эле кезде саясий уюмдун ичинде ынтымак кеткен.
КСДПга 100 миңдеген добуш алып келген айрым лидерлерди да жыйынга чакырбай жерип жатканын кандай түшүнсө болот?
— Атамбаев шок абалга түшүп калган окшойт, жашырынып жыйын курганы өздөрүнө чоң сокку болот. Анткени анын артынан көптөгөн сөздөр ээрчий баштады. Ири коррупциялык иштерге барган деген кинелер да коюлууда. Ошондуктан экс-президент канчалык актанса да элдин ишенимин жоготуп алды.