Адистер изилдөө жүргүзүп, тукумсуздукка чалдыктырган тамактын түрлөрүн аныкташты.
Окумуштуулардын билдирүүсү боюнча, фастфуд менен майлуу тамактар аялдын тукумсуз болушуна алып келет.
Изилдөө жыйынтыгы “Human Reproduction” журналында жарыяланган. Изилдөөгө 6 миң аял катышкан.
Фастфуддун курамындагы заттар энелик уруктун жумушун өзгөртүп жиберет. Май, кант менен туз да репродуктивдүү органдарга терс таасир тийгизгендиктен аялдын бала көтөрүү мүмкүнчүлүгү азаят.
Адистер жер-жемиштердин дагы аялдын ден-соолугуна тийгизген таасирин аныкташты. Күндө жемиш жебеген аялдардын 12 пайызы кош бойлуу боло албасы белгилүү болду.
Ал эми фастфуд жебеген аялдар тез эле балалуу боло алышкан.
БУЛАК: zaman.kg