27-август күнү Чүйдүн Лебединовка айылында автоунаа үч жаштагы баласы менен аялды сүзгөн. Кырсыктан энеси каза болуп, бала оор жаракат менен ооруканага жеткирилген. Бул тууралуу Чүй облустук ички иштер башкармалыгы кабарлады.
Буга чейин 24.kg агенттиги адам өмүрүн алган жол кырсыгына катышкан айдоочу Кант шаарында жайгашкан аскер авиабазынын кызматкери экенин жазып чыккан. Бирок милиция бул маалыматты тастыктаган да, төгүндөгөн да жок.
Булак: Азаттык