«Чабал өрдөк эрте учат» деген макалдын калети жок экен. Мына Темир Сариев президенттик шайлоо баштала электе, жарым жыл мурун Кыргызстанды түрө кыдырып сүрсөөлөт күтүп жатты эле. Жыйынтыгында республика боюнча араң 42 миң добуш алып, мыш болду. Өзүнүн туулуп-өскөн районунда 90 миңден ашык шайлоочу бар. Эң кур дегенде, өз районунан утуп чыкса жарашмак. Тилекке каршы, жарытылуу колдоо таппай, араң 5 миң добуш алды. Сариевдин мындай чамасын көргөндөр эми салмактуу саясатчы катары эсептешмек беле? Алдыда парламенттик шайлоо болсо, кимдин этегин кармаар экен? Деги бирөө-жарым кошот болду бекен?
Булак: “Фабула”