Ички иштер министрлигинин Ички иликтөө кызматынын мурунку жетекчиси Скандарбек Көчөрбаевге
кылмыш иши козголду. ИИМдин ар тармагында иштеген кызматкерлер менен ардагерлер президентке, Коопсуздук Кеңешине кат менен кайрылышып, Скандарбек Көчөрбаев жүздөгөн кызматкерлерди мыйзамсыз иштен бошотуп, кадрларды кызматка алууда мыйзамсыз пара чогултканы, мыйзамсыз салык салганы тууралуу айтышкан. Бул боюнча атайын кызматтык иликтөө жүрүп, натыйжада анын мыйзамсыз ишмердиги аныкталган.
Учурда Башкы көзөмөл органы тарабынан ага “Кызмат абалынан кыянаттык менен пайдалануу” беренеси негизинде кылмыш иши ачылып, иш тергөөгө жиберилгени айтылып жатат. Эске салсак, Көчөрбаевге буга чейин да үч жолу кылмыш иши ачылып, белгисиз жагдайда кайра жабылган. Ал УКМКнын мурунку төрагасы Абдил Сегизбаевдин аталаш тууганы болгону айтылган.
БУЛАК:fakt.kg