Бишкек мэриясынын аппарат жетекчиси Азиз Садырбековдун төрагалыгы алдында Ленин районунда шайлоого карата даярдык текшерилди.

Муниципалитеттен билдиришкендей, райондун шайлоо участкаларынын материалдык-техникалык камсыздалышы, коомдук тартипти жана автоматташтырылган башкаруу системасынын сакталышы, мүмкүнчүлүгү чектелген адамдар үчүн пандустар менен камсыздалышы текшерилди.

Текшерүүнүн жүрүшүндө шаардык жана райондук кызматтарга УШКларда материалдык-техникалык камсыздоо процессин тездетүү, участкалык шайлоо комиссияларын пандустар менен камсыз кылуу боюнча тийиштүү иштерди жүргүзүү, ошондой эле шайлоого аралашпоосу тууралуу кызматкерлер арасында түшүндүрүү иштерин туруктуу негизде жүргүзүү тапшырылды.

Белгилей кетсек, №26 Ленин бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоо 2023-жылдын 28-майында өтөт.

Булак:Аргумент кж