“Жакшы аялдан эркек кетпейт”, анан да ошол эле сөздүн тескериси “жакшы эркектен аял кетпейт” дейт. Негизи кайсынысы туура?
Күйөөм экөөбүздүн тең экинчи турмушубуз. Мен биринчи күйөөм менен келишпестиктен, анан кол көтөргөнүнөн улам кеткем. Бирок биринчи күйөөм үйлөнгөн жок, “башканын кереги жок, сендей аял таппайм” дей берчү. Азыркы күйөөм аялын жактырбай таштап кеткен. Анан экөөбүз уруша кеткенде сөз талашып калабыз. Мен “жакшы аялдан эч качан эркек кетпейт” дейм. Ал “жакшы эркектен аял кетпейт” дейт. Бирок баары бир экинчи турмуш алгачкы махабатка жетпейт экен… Азыркы жолдошум өтө эле майда адам. Эркек сыягы жок. Ал эми биринчи күйөөмдүн уруп, сабап койгон күндөрү көп болсо да, негедир аны сагына берем. Бир айтканы айткан эле. Көкбеттенем деп таяк жечү экенмин. Убагында жаштык кылыпмын. Негедир ошол күндөргө кайтып баргым келет…
Нурзада
«Азия Ньюс» гезити