Уурулукка шектелген жаран кармалды, деп  Бишкек ШИИББинин басма сөз кызматы билдирди.

Маалыматта, кылмыш 19-октябрда кечки саат сегиздер чамасында кичи автобуста болгон. Жүргүнчүнүн курткасынын чөнтөгүнөн баасы 19 000 сомду түзгөн смартфон чыгарылган.

Андан кийин бул факты КР Кылмыш-жаза кодексинин 200-беренеси («Уурдоо») менен каттоого алынып, бирок кылмышка шектүу кармала элек болучу.

Бишкек шаардык ички иштер башкы башкармалыгынын ыкчам кызматкерлери тарабынан кылмышка шектүү  1993-жылы туулган Р.А. колго түшүп, учурда  ИВСга жайгаштырылды.

Милиция кармалган адамдын башка кылмыштарга катышуусу бар экенин билдирүү менен жабыркагандар болсо кайрылышын айтышкан.   Учурда тергөө иштери жүрүп жатат.