Соңку убакта Алексей Ширшов боюнча түрдүү уламыш сыңарындай жомоктор айтылып, күчөп кетти. Азыноолак чечмелеп койсок. Негизи Ширшов күйгөнүнөн келиптир, аны 2010-жылы Максим Бакиев “кидать” этип кетип, тетири баскандан кийин ызырынып жүргөн. Өч ала албай. Убагында кыргыз бийлигине жашыруун маалыматтарды берүүгө ниеттенсе эч ким кабыл албайт. Анан эми ыңгайы келип, Максимдин Ысык-Көлдөгү коттедждерин, жерлерин, чет өлкөдө каткан миллиондорун ачыктап, маалымат берип атса, мунун өзү кыргыз эли үчүн пайдалуу кадам да. Атайын кызматтар анализдеп, мамлекетке пайда келтирип аткан жаранды камкордукка алыш керекпи? Эң башкысы, элибиздин кызыкчылыгы үчүн.
«Азия Ньюс» гезити