Кыргызстанда он миндеген колдоочулары бар Максат ажы Токтомушев баян айтууда саясаттан да аралаштырып, ар кандай суроолорго жооп берип жүргөнү жашыруун эмес. Маркум Чубак ажыдан кийин эле рейтинги күчтүү молдо экенин танбайбыз. Соңку убакта Максат ажыны депутат кылгысы келген диний катмардын каалоосу чыңала баштаганын кандайча чечмелейбиз? «Дин саясаттан тышкары» деген мыйзамдын жобосун унуттукпу? Эгерде Максат ажы Токтомушев депутаттыкка аттанса, анда көп саясатчыларды чаңында калтырып, Кыргызстандагы жападан жалгыз күчтүү лидерге айланып кетпейби? Анда урматтуу Путин эмне дейт? Айтор, санаага салган суроолор арбын. Ушул өңүттөн чаржайыттык уланып, ырбай берсе, бийлик төбөлдөрүнө коркунуч жаралбайбы?..
Азия News гезити