Жогорку Кеңештин айрым депутаттарынан коронавирус аныкталды. Бул тууралуу бүгүн, 25-январда парламенттин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетинин жыйынында белгилүү болду.
Аталган комитеттин төрагасы Медербек Алиев чогулуштун алдында айрым кесиптештери коронавирустун «омикрон-штаммын» жуктуруп алышканын айтты.
Жыйынга депутаттар Медербек Алиев, Жусупбек Коргонбай уулу (Ноокат округу), Замирбек Мамасадыков, Улан Примов, Равшанбек Сабиров, Алтынбек Сулайманов, Бакыт Төрөбаев, Чыңгыз Ажибаев катышууда.