Фейсбук тармагынын активдүү колдонуучусу Таттуу Исакова президент Садыр Жапаровдун «сөөк чыккан үйдө мал союлбасын» деген жарлыгына каршы комментарий берди. Учурда анын билдирүүсү катуу талкууга алынып, колдоого арзууда. Эмесе, эч өзгөртүүсүз беребиз: «- Адам өлгөн соң, «Аласаңар болсо, менден алгыла,» — деп сөөк ээси элге кайрылып келген. Бирок, кыргызда доолаган эмес. Тек гана «Кудайдан кайтсын» деп коюшкан. Ар бир адамдын жыйган байлыгында, мүлкүндө элдин акысы бар. Жок эле дегенде, көз акысы бар. Ошол элдин акысынан кутулсун деп мал союлган. Үчүлүк, жетилик, кыркылык, аш берүүдө да мал союлуп, маркумдун ыраазычылыгына багышталган. Анан кыйын кыргыз эч качан куда сөөк, жек жаатын ачка жаткырган эмес… Сыйлоо жагынан кыргыз элине эч бир улут тең келе албайт. Малды мууздап союп, жиликтеп устукан тарткан да бир гана кыргыз- казакка тиешелүү. Эл сойсо өзүнүн малын союп жатат, мамлекет союп берген жок. Ачка отурган эч ким жок азыркы заманда, эт жегени эч ким келбейт. Маркумду акыркы сапарга узатууга эң жакындары келет. Тирүүсүндө сыйда жүргөнү үчүн акыркы сапарга узатууга да кыйбастары, сыйлаган жакындары болот. Болбосо, тааныбаган эле бирөөгө эч ким барбайт да. Өлүктүн өз зыйнаты менен койгон кыргызымдын салтын чанбайлы! — деп жазган.
Исакова: Мал сойсок мамлекеттикин эмес, өзүбүздүкүн союп жатабыз
Маалымат порталы — ар кандай темадагы жаңылыктарды жана макалаларды жазуу үчүн маалыматтарды чогултат жана талдайт: саясий, экономикалык, шоу-бизнес, коомдук жана турмуш