Кыргызстандын курама командасы хоккей боюнча дүйнө чемпиондугун төртүнчү дивизиондо жеңип алды. Бул тууралуу КР президентинин басма сөз кызматы билдирди.
Маалыматта, команда финалдык беттеште Кувейттин спортчуларын 14:0 эсебинде жеңип алган. Эми Кыргызстандын курама командасы Эл аралык хоккей федерациясынын (IIHF) колдоосу астында үчүнчү дивизиондо ойношот. Экинчи орунда Ирандын хоккейчилери, үчүнчү орунда Сингапур. Финалдык беттешке Садыр Жапаров менен өлкөнүн биринчи айымы Айгүл Жапарова катышты. Президент өз атынан бардык команда мүчөлөрүнө, машыктыруучулар курамына жана улуттук кураманын дарыгерлерине акчалай сыйлыктарды тапшырды.
Турнирге Кыргызстан, Кувейт, Сингапур, Малайзия жана Ирандан беш курама команда катышты.нө