Бул тууралуу экс-премьер-министр Феликс Кулов өзүнүн Facebook баракчасына жазды.
«Бизде кандайдыр бир кызык агымдар пайда болду. Студент кызды сүннөткө отургузушкан. Баарын кесип салышкан. Ал отура албайт, демек ал сабакка да катыша албайт. Муну ага кимдер жана кайсы клиникада жасаганын айткан жок. Ал мага мунун баарын анын эркине каршы жасаганын айтып берди. Бирок ал буга кошулат.
Көрсө, алардын концепциялары боюнча мындай аял жаман эмес, өзгөрбөйт экен, анткени ал балалуу болгондон ырахат албайт экен. Жөн эле инкубатор жана күйөөнө оюнчук. Эми карагылачы, бул окуя бизде болуп жатат.
Посттун авторун айта атабайм. Эмнеге экенин түшүндүрөйүн:
Бул билдирүүгө комментарийлерде айрым окурмандар автордон кыздын аты-жөнүн ачыкка чыгарууну талап кылышууда, мындан тышкары, маалымат жок деген айыптоолор чыгышы мүмкүн, анткени бул фактыда кылмыштын белгилери бар экени анык.
Аялдардын сүннөткө отургузулушуна байланышкан кырдаал биздин Конституцияда жарыяланган принциптерден кем эмес таасир эткен көйгөйдү олуттуу мамлекеттик деңгээлге алып барат.
Биринчиден, маселенин кылмыш-укуктук жагы жөнүндө. Албетте, бул жерде ден-соолукка анча оор эмес зыян келтирүү (КР Кылмыш-жаза кодексинин 131-беренеси) боюнча жүрүп жатат — ал үчүн жаза үч жылга чейин эркинен ажыратуу жана жалпысынан — мыйзамсыз медициналык ишмердүүлүк менен (152-берене — 2 жылга чейин эркинен ажыратуу жана медициналык ишмердүүлүк менен алектенүүгө тыюу салуу).
Бул кылмыштар боюнча жабырлануучунун макулдугусуз эле кылмыш ишин козгоп, башкалардын баары бул ишке барбашы үчүн мындай операция жасаган дарыгерди же башка адамды кылмыш жоопкерчилигине тартууга болот.
Саламаттыкты сактоо министрлиги жооп берип, тиешелүү түшүндүрүү иштерин жүргүзүүгө милдеттүү. Ошол эле учурда, эгер дарыгер жана ага жардам бергендер аялдарды сүннөткө отургузганын өз ыктыяры менен билдирсе, бул жазаны белгилөөдө алар үчүн жеңилдетүүчү жагдай болуп каларын өзгөчө эскертишим керек.
Эми Конституциянын бузулушу тууралуу.
9-беренеге ылайык, «Дин жана бардык диний культтар мамлекеттен бөлүнгөн». Жок, дарыгерлерди аялдарды сүннөткө отургузууга милдеттендире турган эч кандай медициналык көрсөткүчтөр жок.
Аялдардын сүннөткө отургузулушу таза диний негизге ээ, ошондуктан мамлекет мындай карангылыктын жайылышына жол бербөө үчүн эң катуу чараларды көрүүгө милдеттүү. Тактап айтканда, Кыргыз Республикасынын Дин иштери боюнча комиссиясы аялдарды сүннөткө отургузууга тыюу салып, кыздарын сүннөткө отургузууга фатва чыгарууну дин боюнча башкармалыгына милдеттендирсин.
Дагы эмне мени таң калтырды: сүннөткө отургузулган кыз дарыгерликке окуп жатат (?!) Эгерде келечектеги дарыгер мындай операцияларды мыйзам бузуу деп эсептебесе, анда биздин коом кандай дарыгерге ээ болот?
Акыркы убакта өлкөбүздө мамлекеттүүлүккө түздөн-түз коркунуч туудурган, элди бөлүп-жарышы мүмкүн болгон ар кандай диний агымдар жайыла баштады. Маркум Чубак ажы, атүгүл ар кандай секталардын көзөмөлсүз иш-аракеттеринен улам элди бөлүп-жаруу коркунучу бар экенин да эскерткен. Ал, албетте, жагдайды ичинен билип, эмне деп жатканын түшүндү», — деп жазган Кулов.