Диний экстремистик видеолорду тараткан жаран кармалды

Диний экстремистик видеолорду тараткан жаран кармалды

15-жалган куран, 2022-ж // // Айпери Осмоналиева

Ютуб каналы аркылуу экстремистик жана террористик видеолорду жайылтып келген жаран кармалды. Бул тууралуу Ош ШИИБнын басма сөз кызматы билдирди.

Маалыматта, Ош шаардык Ички иштер башкармалыгынын Сулайман-Тоо милиция бөлүмүнүн кызматкерлери тарабынан жүргүзүлгөн ыкчам иш-чаралардын натыйжасында, Ош облусунун 1995-жылы туулган Р.Ж. аттуу жаранды кармашты. Шектүү Р.Ж атуу жаран өзүнүн атындагы “ютуб” каналы аркылуу экстремисттик жана терористтик мазмундагы видеоматериалдарды жүктөп тургандыгы аныкталган.
Алгачкы иликтөө иштеринин жүрүшүндө Р.Ж. аттуу жаран бир тууган агасы 1992-жылы туулган Р.М. жана жеңеси Р.М. Сирия мамлекетинде жүргөндүгү дагы белгилүү болгон. Бул факты боюнча Ош ШИИБнин Кылмыштардын бирдиктүү реестрине катталып, Кылмыш-жаза кодексинин 332-беренеси менен катталып, тийиштүү экспертизалар дайындалган.
Булак:argument.kg