Бүгүн, 17-мартта Жогорку Кеңештин жыйыны өтүүдө. Анын жүрүшүндө депутат Дастан Бекешев президент саламаттыкты сактоо министри Алымкадыр Бейшеналиевге чара көрүшү керек экенин билдирди.
«Эгерде үй-бүлөдө ата-эненин бири өзүн туура эмес алып жүрсө, баласы аны туурайт. Балдар ата-энесин үлгү катары көрүшөт. Коомдо да ошондой. Жарандар бийликтин эмне кылып жатканын карайт. Эгерде бийликте кимдир бирөөгө карама-каршы тилке менен жүрүүгө, кимдир бирөөгө татыктуу, кадыр-баркы бар дарыгерди мазактоого уруксат берилсе, анда жарандар дагы ошентип башташат.
Саламаттыкты сактоо министринин чектен ашкан жүрүм-турумуна президент өзү чара көрүшү керек. Эл эгерде министрди президент дайындаса, демек президент министрдин ушундай жүрүм-турумуна каршы эмес, балким, президенттин да сыйлуу дарыгер боюнча пикири ошондой деп ойлошот. Бирок мен президент андай ойдо эмес деп эсептейм. Президент эл алдында өз пикирин билдириши керек.
Эгерде муну ушундай калтырсак жана министр сөгүш албаса же кызматтан алынбаса, анда мындан ары да ушундай мамилеге чыдап отура беребизби? Эртең жарандар да бийликке ошондой мамилени көрсөтүшөт, мазакташат. Мектепте балдар көрүп алып күлүп жатышат. Алар да мугалимдерди мазактап башташат. Министр эл адамы экенин, салык төлөөчүлөрдүн эсебинен жашай турганын, айлык аларын эстен чыгарбашы керек», — деди Бекешев.