Бишкекте дайынсыз болуп жаткан 13 жаштагы Сабина Казакбаева табылды. Бул тууралуу Ленин РИИБден билдиришти.
Маалыматка караганда, 7-апрелде Ж.В. аттуу жаран небереси Казакбаева Сабинаны издөөгө көмөк көрсөтүү өтүнүчү менен милицияга кайрылган. Анын айтымында, небереси ошол эле күнү саат 12:00дөр чамасында Ош базарынын аймагында жоголуп кеткен.
Ленин РИИБдин кызматкерлери тарабынан дайынсыз жоголгон жаранды издөө боюнча активдүү иш-чаралар жүргүзүлүп, издөө иштеринин жүрүшүндө кыз аман-эсен табылып, чоң энесине өткөрүлүп берилди.