Баткенде 8-класстын окуучусун зордуктоо жана өлтүрүү боюнча сот өкүмү чыкты.

Кадамжай райондук соту эки айыпталуучу — Б.уулу Э. жана Г.Д.Иге карата өкүм чыгарды.

7-февралда Б уулу Э. өкүм чыккан. Сот аны Кылмыш-жаза кодексинин 122 (2-бөлүк), 154 (2-бөлүк), 155 (2-бөлүк), 165 (2-бөлүк) беренелери боюнча күнөөлүү деп тапкан. Кылмыш-процессуалдык кодексинин 108-беренесинин 3-бөлүгү менен Б.уулу Э.10 жылга эркинен ажыратылды.

28-февралда сот экинчи айыпталуучу Г.Д.Иге карата өкүм чыгарып, ал дагы бир нече беренелер боюнча күнөөлүү деп табылган. Сот анын үй-мүлкүн конфискациялоо менен өмүр бою эркинен ажыратуу өкүмүн чыгарган.

Эске сала кетсек, 2022-жылдын 4-сентябрында Баткен облусуна караштуу Кадамжай районунда 14 жаштагы окуучу кыздын жансыз денеси табылган. Аны биринчи зордуктап, кылмышты жашыруу үчүн өлтүрүрүп салышкан. Аталган факт боюнча кылмыш иши козголуп, 4 шектүү кармалган. Алардын бири өспүрүм. Декабрь айында шектүүлөрдүн экөөсү убактылуу кармоочу жайда өзүн өзү өлтүрүшкөнү маалым болгон.