Атамбаевдин уулу Мадриддеги съездде атасын өлтүргүсү келип жатышканын айтты

Атамбаевдин уулу Мадриддеги съездде атасын өлтүргүсү келип жатышканын айтты

30-жетинин айы, 2022-ж // Саясат // Айпери Осмоналиева

Өткөн дем алыш күндөрү Мадридде Социалисттик Интернационал советинин отуруму жана съезди болуп өттү, ага 80 өлкөдөн 400ге жакын делегат катышты. Бул курултайга «Кыргызстан социал-демократтар» партиясынын атынан партиянын лидери Темирлан Султанбеков жана экс-президенттин уулу Кадыр Атамбаев катышты.

Акыркысы өз кезегинде «Кыргызстан социал-демократтар партиясынын» резолюциясын окуп берди, анда алар кыргыз бийлигинин Алмазбек Атамбаевге операция жасоодон баш тартуусун аны физикалык жактан жок кылуу аракети катары баалашары айтылган.

«Биз апрель айында Социалисттик Интернационалдын башкы катчысы Луис Аяла барган Алмазбек Атамбаевдин ден соолугу кескин начарлап кеткенине күбө болдук. Мамлекеттик медициналык экспертизанын жыйынтыгында дайындалган өмүрдү сактап калуу операциялары зарыл болгонуна карабай, экс-президент ооруканага жаткырылган эмес, абакта кармалууда.

Садыр Жапаров экс-президент Алмазбек Атамбаевдин үй-бүлөсү менен жеке жолугуп, анын турмуштук операцияларга мыйзамдуу укугунан жеке өзү баш тартты. Биз экс-президент Атамбаевге карата мындай мамилени адамдын жашоого болгон негизги укуктарын одоно бузуу менен саясий оппонентти физикалык жактан жок кылуунун болуп көрбөгөндөй аракети катары баалайбыз. Биз өзгөчө цинизмди Кыргызстандын Министрлер Кабинетинин Төрагасынын орун басарынын Башкы катчы Луис Аяла менен жолугушуусунда Атамбаевге тагылган айыптардын баары «абсурд, бирок ал түрмөдө кала берет» деп ачык айтканынан байкайбыз «(цитата)», — деди Кадыр Атамбаев.

Өз сөзүндө Бишкек шаардык кеңешинин депутаты Кой-Таш окуясынын темасын да көтөрдү. Мындан тышкары, ал өлкөдөгү көз карандысыз маалымат каражаттарына жасалган кысым тууралуу айтты.

«7-8-августта Кой-Таш айылында 1700 жаранга карата денеге оор залал келтирүү, куралдуу күчтөрдү колдонуу жана муздак курал колдонуу фактыларынын прокурор жана сот тарабынан иликтенбей жатышы соттун адилетсиздигинен кабар берет. Анын ичинен атайын кызматтын мурдагы жетекчилери — Опумбаев менен Жунушалиевдин кылмыштарын жаап-жашыруу.

Куралдуу күчтөрдүн карапайым калкка каршы жасаган мындай кылмыштары согуш кылмышы, ошондой эле адамзатка каршы кылмыш катары квалификацияланганын белгилейбиз, бул ишти эл аралык деңгээлде иликтөөгө мүмкүндүк берет. Жабыркаган жарандардын билдирүүлөрүнө дагы көңүл бурулбаса, эл аралык иликтөө жүргүзүүгө аргасыз болобуз.

Биз «Кыргызстан социал-демократтар партиясынын» атайын докладын эске алып, Кемпир-Абад окуясы боюнча камалгандарды тезинен бошотуу, ошондой эле аларга кысым көрсөтүүнү токтотуу өтүнүчү менен КР өкмөтүнө кайрылуусуна тилектештик билдиребиз. Кыргызстандын жалпыга маалымдоо каражаттары («Азаттык», Kaktus.media, Kloop, Temirov Live)», — деп айтылат Кадыр Атамбаевдин билдирүүсүндө.

Социал-демократтар партиясынын айтымында, алардын резолюциясын 90 партиянын жана алты эл аралык уюмдун өкүлдөрү колдоду.

Коом пресс