Диагностикалык борбору эми балдар ооруканасы болот. Бул тууралуу Какtus.mediaсы окурмандын катына шилтеме берип жазып чыкты.
Маалыматта, учурда диагностика борборунун бешинчи жана төртүнчү кабаты дарыгерлерден бошотулуп, үчүнчү кабатында көчүү иши жүрүүдө. Бул жерде эмгектенген 20 чукул дарыгер иштен бошотулган. Учурда алар министрдин бул кадамдарына нааразы болушуп, диагностикага келген бейтаптар кайда кайрыла турганын билдиришкен. Буга министр “Бейтаптар жеке клиникаларга барышсан” деген жоопту угушканын баса белгилешкен.
Ал эми бул маалыматты тактоо учурунда диагностикалык борбордогу өздүк булактар бул медициналык мекемени толугу менен жоюуну каалап жатышкан. Ошондой эле бул жайдын ордуна балдар ооруканасы жайгаша турганы эчак эле маалым болгонун айтышууда.
«Иштен себепсиз бошогон дарыгерлер каякка барары белгисиз. Бирок Саламаттыкты сактоо министрлигинин жетекчисинин буга эч кандай тиешеси жок. Кептин баары диагностикалык борбор мурдагы жетекчиликтин айынан рентабелсиз болуп калган. Бирок айрым жайлар ижарага берилгенине карабастан ашканага, дарыканага, оптикага кеткен акчалар кайда кеткени белгисиз. Дарыгерлер айлык акысына карыздар”, — деп билдирген өздүк булак.
Саламаттыкты сактоо министрлиги диагностикалык борбор жабылып, анын базасында балдар ооруканасы түзүлгөнүн ырастады. Кырдаалды медициналык жардамды уюштуруу жана саламаттыкты сактоо бөлүмүнүн башчысы Нурида Жусупбекова билдирди. «Бул эпидемиологиялык кырдаалга байланыштуу. Бизде ооруп жаткан балдар көп. Ал эми социалдык тармактардан алардын ооруканада дээрлик полго жатып калганын, кезекте тургандарын көрүп жатасыңар. Ал эми Бишкекте эки гана оорукана бар: Энеликти жана баланы коргоо улуттук борбору жана Шаардык балдар тез жардам ооруканасы (3-балдар). Алар совет доорунда уюштурулуп, 500 миң калкка эсептелген. Азыр бир жарым миллион. Орун жетишсиз, «-деп билдирет.
Жусупбекованын айтымында, бул борборду жоюу деп айтуу азырынча толук туура эмес, анткени кеп реорганизация жөнүндө болуп жатат. «Борбордо 120 кызматкер иштейт. Эч кимди кыскартпайбыз. Баарын жумуш менен камсыз кылабыз. Тийиштүү адистиги барлар ошол жерде иштешет, балдар ооруканасында гана иштешет. Батпай калгандар үчүн Улуттук госпиталдын базасындагы борбордон Тез жардам бөлүмүн ачабыз.Тез жардам бейтаптарды ар кайсы ооруканаларга алып барууга аргасыз болуп жатат. Мындай болбойт. Оорулуулардын баарын Улуттук госпиталга алып барып сорттошот. Бир нече күн байкоого алынат — деп түшүндүрдү ал.
Башкармалыктын жетекчиси Саламаттыкты сактоо министрлигинин өкүлдөрү диагностикалык борбордун кызматкерлери менен жолугуп, маек куруп, ымыркайлардын өлүмүнүн алдын алуу үчүн балдар керебеттери керектигин түшүндүрүшкөнүн айтууда. «Кайсыл жерден диагноз коюу керек? Тез жардам борбору кандайдыр бир диагностикалык функцияны аткарат: түшкөндөр ушул жерден текшерилет. Диагноз аныкталгандан кийин гана бейтап адистештирилген ооруканага жаткырылган», — деди Жусупбекова.
Ал кошумчалагандай, балдардын кургак учукка каршы диспансеринин базасында балдар аллергологиясы жана пульмонология бөлүмүн ачуу пландалууда.