Президенттик аппараттын ЕАЭБ иштери боюнча бөлүмүнүн экс-жетекчиси Эльдар Алишеров Евразия экономикалык комиссиясынын бажы кызматташтыгы боюнча Коллегия мүчөсү (министр) болуп дайындалды. Бул тууралуу ЕЭКтин басма сөз кызматы билдирди.
“ЕЭКтин жаңы министринин Кыргыз Республикасынын мамлекеттик бийлик органдарында жетекчилик кызматында чоң тажрыйбасы бар», — деп ЕЭКтен билдиришти.
Маалым болгондой, Эльдар Алишеров 2007-жылы Санкт-Петербург мамлекеттик университетин дүйнөлүк экономика адистиги боюнча, ал эми 2017-жылы Кыргыз Республикасынын Президентине караштуу Мамлекеттик башкаруу академиясын мамлекеттик жана муниципалдык башкаруу адистигин аяктаган.
2008-2010-жылдары Кыргыз Республикасынын Экономикалык өнүгүү жана соода министрлигинде иштеген. 2011-2014-жылдары ишкерлик менен алектенген. 2018-2022-жылдары Экономика министринин орун басары болгон. 2022-жылы Кыргыз Республикасынын Президентинин Аппаратынын Евразиялык экономикалык биримдик боюнча бөлүмүнүн башчысы болуп дайындалган. ПолитКлиника басылмасынын маалыматына караганда, Элдар Алишеров Акылбек Жапаровдун күйөө баласы.
Белгилей кетсек, ал “Чоң казат” партиясынын лидери, экс-вице-премьер-министра Максата Мамыткановдун ордуна келди.